Krediti tez bağladıqda, faiz hesablanırmı? - VİDEO

Qanunvericiliyə əsasən bankdan nağd pul krediti götürən vətəndaş borcunu hər ay müntəzəm şəkildə ödəməlidir. Həm əsas məbləği, həm də ona hesablanmış faiz borcunu... Amma bəzən faiz ödənişlərinin çox olmaması üçün insanlar borcu imkan daxilində tez ödəməyə çalışırlar. Bəs belə olan halda bank müştərisinə güzəşt edirmi? Borcunu vaxtından əvvəl bağlayan şəxs ancaq qalıq məbləğini ödəyir yoxsa faiz borcunu ödəməyə davam edir?

Sonxeber.az xəbər verir ki, mövzu ilə bağlı "ATV Xəbər" araşdırma aparıb:

Banklardan kredit götürən vətəndaşlar faizlərin yüksək olduğunu deyirlər. Vaxtında əvvəl krediti bağlayırlar ki, xərcə çox düşməsinlər. Amma bəzən bank əsas məbləğ ilə yanaşı faiz borcunuda çıxır. Bəs bununla bağlı qanunvericilikdə nə deyilir?

Azərbaycan Banklar Assosiasiyasının ekspert qrupunun üzvü Arzu Xələfov bildirib ki, müştəri vaxtından əvvəl krediti bağladıqdan sonra hesablanan bütün faiz borcları sıfırlanır. O yalnız əsas məbləği və ödəniş gününə hesablanmış faiz borcunu ödəyir:

"Bəzən müştərilər banka əsas borcun bir qisminin ödənilməsi ilə bağlı müraciət edirlər. Belə hal baş verdikdə bankın mütəxəssisləri müştərinin istəyinə uyğun olaraq əsas borcun bir hissəsinin ödənilməsi və kredit borcunun aylıq ödənişlərinin saxlanılması ilə kredit müddətinin azaldılması, aylıq ödənişlərin azaldılması kimi variantlar təklif edir. Hər bir halda aylar üzrə ödəniş qrafiki və məbləği müştəri ilə bank arasında əldə edilən razılığa əsasən müəyyən edilir".

Ətraflı "Atv Xəbər "in süjetində:

Telegramda izləyin

instagramda izləyin