Ermənilər ölkəni tərk edir: Fələstində məskunlaşacaqlar? - ŞƏRH

Qarabağdan İrəvana sığınan ermənilərin ölkəni kütləvi şəkildə tərk etdikləri deyilir. Bu haqda Ermənistan Milli Təhlükəsizlik Xidməti məlumat yayıb. Xidmətin açıqlamasına görə, 10 308 erməni Ermənistanı birdəfəlik tərk edib.

Əlbəttə ki, Qarabağı tərk edən ermənilərin aqibəti ilə bağlı müvafiq versiyalar irəli sürülür. Bildiyimiz kimi, bu yaxınlar Ermənistan Fələstini rəsmən tanıyıb. Buna cavab olaraq, İsrail XİN Ermənistandakı səfirini geri çağırıb. Bildriilib ki, İrəvanın Fələstini tanımaq qərarı Ermənistanın İsraillə münasibətləri üçün ciddi nəticələrə səbəb olacaq. Ümumi prosesi nəzərə aldıqda, bütün bunlar Qarabağ erməniləri ilə maraqlı suallar yaradır. Ermənistanı tərk edən ermənilər Fələstində məskunlaşacaq?

Mövzunu Sonxeber.az-a şərh edən politoloq Kazım Kazımov deyib ki, hazırda Ermənistanda iqtisadi vəziyyət hələ də pis olaraq qalmaqdadır:

"Çünki Azərbaycanla sülh müqaviləsi imzalanmayıb və Ermənistanın iqtisadi yolları hələ də açılmayıb. Eyni zamanda İrəvanda kütləvi iğtişaşlar davam edir. Bütün bu amilləri nəzərə alsaq, Ermənistan iqtisadiyyatı hələ də özünə gələ bilmir. Belə olan təqdirdə, zamanında Qarabağda işğalçı kimi məskunlaşmış Qarabağ erməniləri əvvələ İrəvana getdilər. İrəvan onlara yeni ev və həyat şəraiti söz versə də, həmin vədlərin çoxu yerinə yetirilmədi. Buna görə də insanların Ermənistanı tərk etmə halları artıb. Bu şəxslərin hara getməsi ilə bağlı müxtəlif versiyalar səsləndirilir".

Politoloqun sözlərinə görə, Qarabağı tərk edən ermənilərin Fələstinə getməsi ilə bağlı fikirlər bildirilir:

"Məncə bu həqiqətə uyğun deyil. Hal-hazırda Fələstində çox mürəkkəb bir vəziyyət var. Biz bilirik ki, İsrail-Həmas arasında aktiv şəkildə Qəzza zolağında müharibə davam edir. Bu müharibə hər nə qədər Qəzza zolağının əsasını ehtiva etsə də, Qolan çayının qərb sahilində hər həftə hansısa bir iğtişaş baş verir. Ya İsrail, ya da Fələstin tərəfindən çoxsayda itkilər olur. Belə olan halda. Qolanın qərb sahilindəki ərazidə ermənilərin məskunlaşması onlar üçün arzuolunan deyil. Qüdsdə yaşayan kiçik erməni icması ilə Qarabağdakı erməni icmasının çoxda tarixi qohumluq bağları yoxdur. Sadəcə onlar eyni etnik mənsubiyyəti daşıyırlar. Çünki onlar arasında əvvəlcə sovet dönəmində, sonralar isə cuddi əlaqələr qurulmadı. Mən hesab edirəm ki, Qarabağı tərk edən ermənilər əsasən Rusiyaya, Gürcüstan və imkanı çatanlar isə Avropaya axın edirlər"

Sevda Səfərova

Telegramda izləyin

instagramda izləyin