Taksilər bahalaşdı, metroya axın artdı: İnterval azalacaqmı?

"İnsanların hər gün işə gedib-gəldiyi saatlarda daha çox sıxlıq müşahidə olunur. Bundan sonrakı dövrdə də sərnişin sayında sıxlıq nisbətən artarsa, təbii ki, qatarların hərəkət intervalında dəyişiklər olacaq".

Bu sözləri Axar.az-a açıqlamasında Bakı Metropoliteninin mətbuat katibi Bəxtiyar Məmmədov taksilərdə gediş haqlarının artmasının metroda daha çox sərnişin sıxlığına yol açacağı ilə bağlı müzakirələrə münasibət bildirərkən deyib.

"Taksi xidmətlərində qiymət artımından sonra Bakı Metropoliteni monitorinqlərinə bu məsələni xüsusi daxil edib. Baxmayaraq ki, yay dövrüdür. Sərnişinlərin sayı azalsa belə, Bakı Metropolitenində gündəlik olaraq monitorinqlər aparılır. Bizdə sərnişin sıxlığını tənzimləmək üçün hər zaman ehtiyat qatarlardan istifadə edilir", - deyə o əlavə edib.

Telegramda izləyin

instagramda izləyin