Komaya düşən tanınmış meyxanaçının son vəziyyəti AÇIQLANDI - YENİLƏNİB

İyulun 5-i saat 04:55-də Lənkəran şəhər sakini, 1987-ci il təvəllüdlü Elnur Aydın oğlu Əskərov dəqiqləşdirilməmiş koma, hemoragik insult diaqnozu ilə Lənkəran Rayon Mərkəzi Xəstəxanasının Təcili yardım şöbəsinə hospitalizasiya olunub.

Bu barədə Baku.ws-in sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) bildirilib.

"Xəstəyə zəruri ilkin tibbi xidmət göstərilib, instrumental müayinələr aparılıb, xəstənin vəziyyətinə uyğun olaraq Reanimasiya şöbəsində müalicəsi davam etdirilir.

Qeyd edək ki, xəstə 16 ildir şəkərli diabet, xroniki böyrək çatışmazlığından əziyyət çəkir, dializ müalicəsi alır", - deyə məlumatda qeyd olunur.

***
Tanınmış meyxanaçı Elnur Valeh komaya düşüb.

Musavat.com xəbər verir ki, bu barədə sosial şəbəkələrdə məlumat yayılıb.

Meyxanaçının Lənkəran şəhərində el məclislərinin birindən çıxarkən halının pisləşdiyi deyilir.

Onun hazırda Lənkərandakı xəstəxanada olduğu bildirilir.

Telegramda izləyin