Məşhur aparıcı "Neftçi"də vəzifəyə gətirildi - RƏSMİ

Rüstəm Əfsərlinin "Neftçi"nin PFK-nın Media üzrə koordinatoru vəzifəsinə təyin edilməsi xəbəri rəsmi təsdiqini tapıb.

Oxu.Az xəbər verir ki, "Neftçi" PFK-nın sosial şəbəkə hesablarında müvafiq paylaşım edilib.

"Azərbaycanın ən yaxşı idman jurnalistlərindən biri olan Rüstəm Əfsərli 2005-ci ildən idman mətbuatındadır. 2015-ci ildən etibarən isə o, "CBC Sport" kanalında çalışıb. Bu müddətdə müxtəlif layihələrin yaradıcısı və iştirakçısı olub, telekanalda Şərhçilər qrupuna rəhbərlik edib və Proqram direktoru kimi fəaliyyət göstərib. Həm milli, həm də beynəlxalq idman yarışlarında şərhçi, aparıcı və prodüser kimi işləyib, 2018 və 2020-ci illərdə "İlin ən yaxşı şərhçisi" mükafatını qazanıb.

Uşaqlıqdan "Neftçi" azarkeşi olan və bunu müsahibələrində də gizlətməyən Rüstəm Əfsərlini yenidən böyük "Neftçi" ailəsinin bir parçası olması münasibəti ilə təbrik edirik! Evinə xoş gəlmisən!"

10:12

"Neftçi"nin Mətbuat Xidmətinin rəhbəri Emin Əfəndinin klubdan ayrılığı sonrası onu əvəz edəcək şəxs bəlli olub.

Oxu.Az xəbər verir ki, ötən gün klubu tərk edən Emin Əfəndinin yerinə, əvvəllər də "Neftçi"nin Mətbuat Xidmətinin rəhbəri kimi çalışan Rüstəm Əfsərlinin təyinatı ehtimal olunur.

Qeyd edək ki, Rüstəm Əfsərli daha öncə 2015-2017-ci illərdə bu vəzifədə çalışıb.

Telegramda izləyin