Məşhur "Qarabağ" mahnısının QƏRİBƏ TALEYİ - Erməniyə görə qovulan bəstəkar

Məşhur "Qarabağ" mahnısının QƏRİBƏ TALEYİ - Erməniyə görə qovulan bəstəkarSevgilim, seyrə çıxaq burda gəl ilk baharı.

Dil açır qəlbimizin ən şirin arzuları.

Anadır arzulara hər zaman Qarabağ,

Danışan dil-dodağım, tar-kaman Qarabağ.

Qarabağ, can Qarabağ, ana yurdum!

Hə, bu sətrlər hər birinizin dilindən əzbər, axar su kimi süzülüb getdi. Qalib xalqın şüarına çevrildi. 44 günlük müharibə dövründə uşaqdan-böyüyə hamının dilində şüar oldu.

Bəli, ilk dəfə 1972-ci ildə Arif Babayevin ifasında eşidilən bu mahnı bir zamanlar torpaqlarımızı mənimsəmək istəyən, lakin bacarmayan erməni separatçıları tərəfindən özəlləşdirilməyə başlanılıb.

Belə ki, "Qarabağ" ("Anadır arzulara hər zaman Qarabağ") adlı musiqi əsərinin erməni ifaçı Gor Yepremyan tərəfindən "Sirun jan" adı altında mənimsənilərək ifa edilməsi və "Youtube"da yayılması müəyyən edilib. Xalq artistləri, bəstəkarlar Faiq Sücəddinov və Eldar Mansurovun təhlilən əsasən müəyyən edilib ki, "Qarabağ" əsəri muğamın çahargah ladında yazılıb və erməni ifaçının səsləndirdiyi "Sirun jan" adlı mahnı "Qarabağ" əsəri ilə tam üst üstə düşür. Ekspertlər bir daha təsdiq edirlər ki, "Qarabağ" əsərinin adı ermənilər tərəfindən "Sirun jan" adı ilə dəyişdirilərək təhrif edilib. "Qarabağ" mahnısı 1972-ci ilin 2 iyun tarixində Əqli Mülkiyyət Agentliyində (Agentlik həmin vaxt Ümumittifaq Müəllif Hüquqları Agentliyinin Azərbaycan Respublikası Şöbəsi adlanırdı) qeydiyyata (uçota) alınıb və Azərbaycan musiqisi kimi tanınıb.

Lent.az bu gün sizə müasir dövrdə qalib xalqın himninə çevrilən "Qarabağ" əsərinin yaranma tarixindən danışacaq.

Demək olar ki, hər birimiz bu mahnını ilk dəfə 1972-ci ildə Arif Babayevin ifasında eşitmişik. Ondan sonra çox müğənnilər bu mahnını oxusa da, "Qarabağ" deyiləndə Arif Babayev, Arif Babayev deyiləndə isə "Qarabağ" əsəri ağıla gəlir.

Amma burda diqqət çəkən bir məqam var. "Qarabağ" əsərini ilk dəfə Arif Babayev yox başqası ifa edib. Mahnının sözləri Rəfiq Zəka Xəndana aiddir. Bəstəsi isə Bəhram Nəsibova. O, bu mahnını ilk dəfə yaşadığı yataqxananın dəhlizində ifa edib. Ali təhsillə bağlı diplomu olmadığına görə haqsız hücumlara məruz qalmış Bəhram Nəsibov bu gün haqqında bəhs edəcəyimiz "Qarabağ" mahnısının müəllifidir. "Qarabağ" mahnısı 1968-ci ildə yazılıb. Yataqxananın dəhlizində onu dinləyənlərdən biri də binanın erməni əsilli komendantı olub. Komendant Bəhram Nəsibova yaxınlaşıb, mahnının sözlərinə erməni deputatlarının adını yazmasını deyib. Bəhram razılaşmır və buna görə də komendant onu yataqxanadan qovur.

Mahnılarını Niyaməddin Musayev oğurladı, rayonu işğal olunanda beyninə qan sızıb öldü – Bu gözəl musiqilərin müəllifini siz də tanıyın

Evsiz qalan Bəhram təsadüfən Arif Babayevlə birlikdə kirayə mənzil tutub, yaşamağa başlayır. Qeyd etməyə dəyər ki, Bəhram Nəsibov musiqi dünyasına tarla gəlib, ancaq sonra gitaraya keçib. O, toylarda gitarayla çıxış edib və bununla xalq içində məşhurlaşıb.

Nə isə, yazımızın məğzindən kənara çıxmayaq. Arif Babayevlə birgə yaşayan Bəhram Nəsibov "Qarabağ" əsərini onun oxumasını təklif edib. Mahnı Arif Babayevin zövqüncə olmayıb, o, bu mahnının uğur qazanacağına inanmayıb.

Ancaq, bir neçə il sonra Arif Babayev qastrol səfərində Bəhram Nəsibova mahnını ifa etmək istədiyini deyib. Özü bu mahnını ona xatırladıb.

Bunun da səbəbi var idi: "Qarabağ" ifa olunarkən, Bəhram Nəsibovu artıq bir neçə mahnının müəllifi kimi tanıyırdılar. Görünür, elə məhz bu fakt Arif Babayevi "Qarabağ" mahnısını xatırlamağa məcbur edib. Mahnı efirdə səslənən kimi, o, dərhal məşhurlaşıb. O qədər sevilib ki, heç bir tədbiri Arif Babayevin bu mahnısı olmadan təsəvvür etmək qeyri-mümkün olub.

Təəssüfedici məqam isə efirdə Bəhram Nəsibovun mahnılarının səslənməsinə və bu mahnıların böyük şöhrət əldə etməsinə baxmayaraq, heç yerdə onun adının qeyd edilməməsidir. Zəmanə belə idi. Diplomsuz bəstəkar haqqında yazmaq olmazmış. Sonra "Qarabağ" mahnısının yeni ifaçıları meydana çıxmağa başlayır - Yaqut Abdullayeva, Aygün Bəylər, Təyyar Bayramov, Səbuhi İbayev, Elnur Zeynalov, Qoçaq Əsgərov, Mənsum İbrahimov, Nəzakət Teymurova, Aygün Bayramova. Və hətta estrada müğənniləri: Brilliant Dadaşova və Aygün Kazımova. "Qarabağ" mahnısı Könül Xasıyevanın ifasında bir başqa obraz kimi ortaya çıxıb. Könül Xasıyevanın səs tembri ondan əvvəlki ifaçıların səsindən çox fərqlənib.

Bəhram Nəsibov Sevgi Həyatı - YouTube

Dildən-dilə dolaşaraq gələn, "Qarabağ" mahnısı ifa edən hər bir müğənninin tək arzusu var idi. Bu mahnını doğma Qarabağ torpağında, Cıdır düzündə ifa etmək.

Elə də oldu. 44 günlük Zəfər müharibəsindən sonra "Qarabağ" mahnısı qalibiyyət sədalarıyla doğma Qarabağ torpaqlarında zəfər marşı kimi hər gün səslənir.

Bu da belə... Şair mahnıda necə deyir?

"Qarabağ, can Qarabağ, ana yurdum!"

Heç birimiz xalq mahnımızın özgələşdirilməsinə icazə verməyək, "Can Qarabağ" deyək.


Sonxeber.az Telegramda izləyin instagramda izləyin
Sosial   Baxılıb: 514   Tarix: 10 iyul 2024  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

Hikmət Hacıyev: "Ermənistanın konstitusiyasında Azərbaycana qarşı ərazi iddiaları olmamalıdır"

"Azərbaycan Prezidentinin də qeyd etdiyi kimi, Ermənistanın konstitusiyası dəyişməlidir, çünki orada Azərbaycana qarşı birbaşa ərazi iddiaları var". "Report"un məlumatına görə, bunu Azərbaycan Respublikası Prezidentinin köməkçisi - Prezident Administrasiyasının Xarici siyasət məsələlər

21 iyul
.

Sülh müqaviləsi bağlamamışdan əvvəl Azərbaycanın Ermənistana təklifi nədir? - RƏSMİ AÇIQLAMA

"Azərbaycan Ermənistana hələ tammiqyaslı sülh müqaviləsi bağlamamışdan əvvəl mehriban qonşuluq münasibətlərinin əsas prinsiplərini razılaşdırmağı təklif edir". "Report"un məlumatına görə, bunu Azərbaycan Prezidentinin köməkçisi - Prezident Administrasiyasının Xarici siyasət məsələlər

21 iyul
.

Şuşadakı seysmik stansiyadan məlumatların ötürülməsinə BAŞLANILDI

Azərbaycan Milli Elmlər Akademiyasının (AMEA) prezidenti akademik İsa Həbibbəyli işğaldan azad olunmuş ərazilərdə ilk dəfə olaraq yaradılan Şuşa-Daşaltı Dərin Quyu seysmik stansiyasında aparılan quruculuq işləri ilə yerində tanış olub. xəbər verir ki, bu barədə AMEA məlumat yayıb. Azərbaycan Milli Elmlə

21 iyul
.

Bayden prezident seçkisində kimi dəstəkləyəcəyini AÇIQLADI

Seçki yarışından geri çəkilən ABŞ Prezidenti Cozef Bayden prezident seçkisində Demokratlar Partiyasının namizədi olaraq vitse-prezident Kamala Harrisi dəstəklədiyini açıqlayıb. xəbər verir ki, bu barədə o, "X" səhifəsindəki paylaşımında bildirib. "2020-ci il seçkisində partiyanın namizəd

21 iyul
.

Azərbaycan Prezidenti: "Bizim ABŞ ilə münasibətlərimiz demək olar hər zaman sabit olub"

"Azərbaycan-ABŞ əlaqələri haqqında danışdıqda bizim əlbəttə ki, Respublikaçılar hakimiyyəti ilə əlaqələrimiz nəzərəçarpacaq dərəcədə uğurlu və nəticəyönümlü olub". AZƏRTAC xəbər verir ki, bu barədə Prezident İlham Əliyev "Yalan məlumatların ifşası: Dezinformasiyaya qarşı mübarizə"

20 iyul
.

Ərdoğan: "Türkiyə Şimali Kiprdə dəniz bazaları yarada bilər"

"Türkiyə lazım gələrsə, Kiprin şimalında öz hərbi dəniz bazalarını yaradacaq". Haber Global-a istinadən xəbər verir ki, bunu Türkiyə Prezidenti Rəcəb Tayyib Ərdoğan Şimali Kipr Türk Respublikasına (ŞKTC) səfərindən qayıdarkən bildirib. Yunanıstanın öz hərbi dəniz bazasını Kipr Respublikas

21 iyul
.

Azərbaycanda əhaliyə göstərilən ödənişli xidmətlərin dəyəri 7 % artıb

Bu ilin yanvar-iyun aylarında Azərbaycanda əhaliyə göstərilən ödənişli xidmətlərin dəyəri 2023-cü ilin eyni dövrü ilə müqayisədə 6,9 % artaraq 5 milyard 832,7 milyon manat təşkil edib. xəbər verir ki, bu barədə Dövlət Statistika Komitəsi məlumat yayıb. Bildirilir ki, bunun 4 milyard 380,7 milyon manatlı

20 iyul
.

İyulun 21-də gözlənilən hava proqnozu açıqlanıb

Ölkə ərazisində iyulun 21-də gözlənilən hava şəraiti haqqında proqnoz açıqlanıb. Milli Hidrometeorologiya Xidmətindən -a verilən xəbərə görə, Bakıda və Abşeron yarımadasında bəzi yerlərdə arabir yağış yağacağı gözlənilir. Yarımadanın bəzi yerlərində qısamüddətli intensivləşəcəyi, şimşək çaxacağı ehtimal

20 iyul
.

Azərbaycan Ordusunun Kəlbəcər istiqamətindəki mövqeləri atəşə tutulub

Ermənistan silahlı qüvvələrinin bölmələri Azərbaycan Ordusunun Kəlbəcər rayonunun İstisu yaşayış məntəqəsi istiqamətində yerləşən mövqelərini iriçaplı silahlardan atəşə tutub. Bu barədə -a Müdafiə Nazirliyindən bildirilib. "İyulun 20-si saat 22:10 radələrində Ermənistan silahlı qüvvələrinin bölmələr

21 iyul