Bu kənddə uşaqlar idarə binasında TƏHSİL ALIR - VİDEO

Bərdə şəhəri 4 nömrəli məktəb... Yenidən inşa olunub və istifadəyə verilən məktəblər sırasındadır. Əslində müasir maddi-texniki baza ilə təchiz olunmuş məktəblərin istifadəyə verilməsi təhsilin keyfiyyətini şərtləndirən əsas amillərdən biridir. Amma hələ də Bərdə ərazisində yararsız vəziyyətdə, əsaslı təmirə ehtiyacı olan məktəblər var. Bunlardan biri Bərdə rayon Şirvanlı kənd orta məktəbidir. Bina ötən əsrin 90-cı illərindən fəaliyyətini tam dayandırıb. Bir vaxtlar şagirdlərinin səsi dəhlizlərindən tutmuş sinif otaqlarına qədər yayılan məktəbdə indi lal bir sükut hökm sürür.

Bina 30 ildən artıqdır ki, təyinatı üzrə istifadə olunmur. Səbəb isə torpaqlarımız işğal altında düşdükdən sonra məcburi köçkünlərin bir hissəsi bu məktəblərdə məskunlaşdı. Amma dövlətimiz məcburi köçkünlərin mənzil şəraitini yaxşılaşdırmaq məqsədilə yeni yaşayış kompleksləri inşa etdi.

Sonxeber.az xəbər verir ki, məsələ ilə bağlı "Aztv Xəbər"in əməkdaşları sözügedən məktəbin binasında olublar. 15 ildir ki, məktəbdə məskunlaşan keçmiş məcburi köçkünlərə mənzillər verildi. Amma bina hələ də təmir olunmayıb. Tədris isə kənd ərazisindəki idarə binasında təşkil edilib.

"Hardasa 30-32 ildir burada idarə var. Uşaqlara orada dərs keçilir. Yəni məktəbimiz yoxdur və pis bir vəziyətdədir. Şəxsən mən uşaqlarımı təhsil almaları üçün şəhərə aparıram. Məktəb pis bir vəziyətdədir".

Ətraflı "Aztv Xəbər"in süjetində:

Telegramda izləyin