Bağ sahələrində narkotik tərkibli bitkilər yetişdirən Lerik sakinləri saxlanılıblar

Narkotik tərkibli bitkilərin kultivasiyası ilə məşğul olan Lerik rayon sakinləri Zaur Məmmədov və Zöhrab Tahirov saxlanılıblar.

Sonxeber.az xəbər verir ki, bu barədə Daxili İşlər Nazirliyi (DİN) məlumat yayıb.

Bildirilib ki, həmin şəxslərin yaşadıqları ünvanlara keçirilən baxış zamanı bağ sahəsində kultivasiya yolu ilə yetişdirdikləri ümumilikdə 26 ədəd çətənə kolu, əlavə olaraq isə Z.Məmmədovun həyətdəki yardımçı tikilidə, Z.Tahirovun isə torpağa basdırılaraq gizlətdiyi marixuana aşkarlanaraq götürülüb. Məhkəmənin qərarı ilə hər iki şəxs barəsində həbs qətimkan tədbiri seçilib.

Faktlarla bağlı araşdırmalar aparılır.

Telegramda izləyin