İsrail HƏMAS-ın yeni liderini HƏDƏFƏ ALDI: "Mümkün qədər tez..."

İsrailin xarici işlər naziri İsrail Katz Həmas siyasi bürosunun yeni lideri Yəhya əs-Sinvarın mümkün qədər tez məhv edilməsinə çağırıb.

Publika.az xəbər verir ki, bu barədə o, X sosial şəbəkəsində yazıb.

"Əzəli terrorçu Yəhya Sinvarın İsmayıl Haniyəni əvəz edərək HƏMAS-ın yeni lideri təyin edilməsi onu sürətlə aradan götürmək və bu rəzil təşkilatı yer üzündən silmək üçün daha bir tutarlı səbəbdir", - Katz deyib.

Xatırladaq ki, Yəhya əs-Sinvar İsmayıl Haniyənin öldürülməsindən sonra Fələstinin HƏMAS hərəkatının Siyasi Bürosunun yeni rəhbəri seçilib. Əl-Sinvar bundan əvvəl Qəzza zolağında hərəkatın lideri olub.

İsrail ordusunun sözçüsü Daniel Hagari Sinvarı 7 oktyabr tarixində tarixin ən dəhşətli terror aktına görə məsuliyyət daşıyan terrorçu adlandırıb.

Telegramda izləyin