Özünü İnterpol əməkdaşı kimi təqdim edən 19 yaşlı gənc milyonlar oğurladı

Çorumun Oğuzlar rayonunda telefonda özünü İnterpol əməkdaşı kimi təqdim edərək qadından 1 milyon 650 min lirə alaraq aldadan şübhəli şəxs həbs edilib.

Sonxeber.az -ın türk mediasından əldə etdiyi məlumata görə, telefonla aldadılmasından şübhələnən qadın Oğuzlar Rayon Polis Şöbəsinə müraciət edərək şikayət edib.

Qadın ifadəsində telefonda özünü İnterpol əməkdaşı kimi təqdim edən şəxsin "Rayonda FETÖ terror təşkilatına qarşı geniş əməliyyat aparılacağını, onun saxlanılacaq şəxslər arasında olduğunu və onlara külli miqdarda pul ödəsə, tutulmaqdan xilas ola bilər" deyə aldatdığını bildirib.

Belə ki, qadın gün ərzində həmin şəxsə1 milyon 650 min lirə göndərib, şübhəli əməliyyat üçün rayona gəldiyini və qolundakı qızılları da təyin etdiyi yerə qoymasını istəyəndə qadın ondan şübhələnib.

Şikayət üzərinə hərəkətə keçən polis qrupları Şəhər Təhlükəsizlik İdarəetmə Sistemi (KGYS) kameralar vasitəsilə rayondakı şübhəliləri izləməyə başlayıb.

Hadisə yerinə gələn polislər araşdırma zamanı hərəkətlərindən şübhələndikləri H.C-ni (19) Fatih küçəsində saxlayıb.

Ankaradan icarəyə götürdüyü avtomobillə Oğuzlar rayonuna gəldiyi müəyyən edilən H.C polis bölməsindəki əməliyyatlardan sonra ədliyyəyə sövq edilib.

Şübhəli şəxs növbətçi hakim tərəfindən həbs edilib.

Telegramda izləyin