Qadın paltarı geyinib oğurluq etdi

Kadıköydə İyulun 10-da bazara gedən U.Y.A.-nın evinə girən oğrular evdən təxminən 450 min lirə dəyərində qızıl-zinət əşyalarını götürərək yoxa çıxıblar. Bir müddət sonra S.Ç.-nin Kartaldakı evində də oxşar oğurluq hadisəsi baş verib. S.Ç.-nin evindən 300 min lirə dəyərində qızıl-zinət əşyaları götürən oğrular yoxa çıxıblar.

Sonxeber.az türk mediasına istinadən xəbər verir ki, şikayətlərin ardından Asayiş Şöbə Müdirliyi araşdırma başladıb. Araşdırma zamanı kamera görüntülərində şübhəlilərin 3 qadın olduğu müəyyən edilib.

Onların şəxsiyyətinin müəyyən edilməsi üçün əməliyyatlar başlanılıb. Görüntülərdəki 3 qadından birinin maraqlı davranışı diqqət çəkib. Qadın bir yerdə kameralara düşməmək üçün üzünü əliylə, digər yerdə isə eynək taxaraq tamamilə gizlədib. Araşdırmalarda şok detallar ortaya çıxıb. Üzünü gizlədən şəxs qadın deyil, qadın qiyafəsində olan kişi - Ümit Ç-imiş.

İstintaq zamanı hər 3 şübhəlinin adı müəyyən edilib. Gönül Ç., Sinem A. və Ümit Ç. tutulublar. Tutulan şəxslər arasında Gönül Ç-nin 54, Sinem A.-nın 32, qadın qiyafəsində olan Ümit Ç.-nin isə 8 cinayətinin olduğu ortaya çıxıb. İstintaq çərçivəsində Sinem A. həbs edilib, digər iki şübhəli barəsində isə Məhkəmə Nəzarəti qərarı çıxarılıb.

Telegramda izləyin