Evakuator sürücüsünü faciəvi şəkildə öldürdülər

Türkiyədə evakuator sürücüsü taksini evakuatora yükləmək istəyərkən baş verən dava zamanı çəkiclə başından vurularaq, tapança ilə öldürülüb.

Sonxeber.az türk mediasına istinadən bildirir ki, hadisə gecə saat 04:00 radələrində Kəpəz rayonu, Kuzeyyaka məhəlləsi, 2531 küçəsində baş verib. Antalya Sürücülər və Avtomobillər Palatasına məxsus 07 ASC 757 nömrəli evakuator sürücüsü Mert Engin adı açıqlanmayan taksi sürücüsünün ona zəng edib çağırdığı ünvana gedib. Engin avtomobili evakuatora yükləmək istəyərkən, D.D və qardaşı B.D hadisə yerinə icarəyə götürdükləri 06 EHF 135 dövlət nömrə nişanlı avtomobillə gəliblər. Enginlə qardaşlar arasında mübahisə baş verib.

Mübahisə bitdikdən sonra Mert Engin taksini evakuatora yükləməyə başlayıb. Evakuatorun təkərinin sürüşməsi səbəbi ilə Engin və qardaşlar arasında yenidən mübahisə düşüb. Taksi sürücüsü tərəfləri ayırmağa çalışarkən, qardaşlardan B.D. əlindəki çəkiclə Enginin başına vurmağa başlayıb. Sürəti azalda bilməyən B.D yanında gəzdirdiyi silahla havaya 2, Enginin başına isə 1 dəfə atəş açıb. B.D. İcarəyə götürdüyü avtomobillə qaçarkən D.D hadisə yerində olub. O, gələn polislər tərəfindən saxlanılıb. Qısa müddətdə gələn təcili yardım həkimləri Mert Enginin öldüyünü müəyyən ediblər.

Mert Enginin cansız bədəni polisin və prokurorluğun müayinəsindən sonra yarılma üçün Antalya Ədliyyə Tibb Ekspertizasına aparılıb. Antalya Polis Asayiş Şöbə Müdirliyinə bağlı Cinayət Büro əməkdaşları D.D-ni polisə aparıb. Bir çox cinayəti olduğu müəyyən edilən B.D.-nin tutulması üçün barəsində əməliyyat başladılıb. Cinayət Büro əməkdaşları B.D.-nin kirayə götürdüyü avtomobilini Kəpəz mahalının Aydoğmuş səmtində, atasının evinin önündə saxladığını müəyyən edib. B.D.-nin atasının evində aparılan axtarış zamanı polislər icarəyə götürdüyü avtomobilin açarını, B.D.-nin mobil telefonunu və cinayət vasitəsi kimi istifadə edilən silahı ələ keçirib.

Mert Enginin nişanlı olduğu və 2 ay sonra evlənməyə hazırlaşdığı məlum olub.

Hadisə ilə bağlı araşdırmalar davam edir.

Telegramda izləyin