Qazi xəstəxanada döyüldü

Türkiyəni şoka salan hadisə Dənizli Pamukkale Universitetində baş verib. Belə ki, qazi Səməd Gülüstan həyat yoldaşının babasını ziyarət etmək üçün xəstəxanaya gəlib və xəstəxananın mühafizəçiləri ilə arasında mübahisə yaranıb. Mübahisə zamanı mühafizəçilər qazini döyüblər. Hadisədən sonra universitet rəhbərliyi mübahisədə iştirak edən 4 mühafizəçini işdən uzaqlaşdırıb və məsələ ilə bağlı araşdırmalara başlanıldığını açıqlayıb.

Sonxeber.az türk mediasına istinadən xəbər verir ki, xəstəxanaya gələn Səməd Gülüstan ziyarət saatı bitdiyi üçün mühafizəçilər onları içəri buraxmayıb. Lakin o, mühafizəçilərdən içəri buraxmalarını, universitet işçisi, eyni zamanda qazi statusuna malik olduğunu bildirərək, bu vəziyyəti nəzərə almalarını da xahiş edib. Mühafizəçilər isə Gülüstanın tələbini qəbul etməyib və onu içəri buraxmayıblar.

Mühafizəçilər Gülüstana hörmətsiz münasibət göstərib. Mühafizəçilərdən biri Gülüstana "Sizin qazi, kadr statusunuz məni maraqlandırmır" deyərək reaksiya verib. Mübahisə şiddətləndiyi üçün Gülüstan mühafizəçilər tərəfindən fiziki təzyiq məruz qalıb.

Gülüstanın ifadəsinə görə, mübahisədən sonra daha iki mühafizəçi hadisə yerinə gələrək Gülüstana fiziki təzyiq edərək, onu vurmaq istəyiblər. Gülüstan mühafizəçilərin hücumuna qarşı özünü müdafiə etməyə çalışdığını bildirib. Lakin bu zaman asayiş keşikçilərindən biri Gülüstanın qarın boşluğuna vurub, daha sonra digər mühafizəçi Gülüstanın boğazını sıxaraq yerə yıxıb. Gülüstan ağciyərlərində problem olduğu üçün nəfəs almaqda çətinlik çəkdiyini və bunun onu daha da çətin vəziyyətə saldığını bildirib. Yerə yıxılandan sonra da döyülməyə davam edən Gülüstan bu hadisənin ona fiziki xəsarət yetirməkdən əlavə, onun ləyaqətini sındırdığını, qazi statusunu təhqir etdiyini bildirib.

Hadisədən sonra polisə gedərək şikayət ərizəsi yazıb və günahkarların cəzalandırılması üçün hüquqi proses başlanılmasını tələb edib.

Pamukkale Universiteti (PAU) rəhbərliyi bu hadisənin qəbuledilməz olduğunu bildirib və qaziyə hücumu pisləyib. PAU rektoru Prof. Dr. Ahmet Kutluhan hadisəni törədən şəxslər barəsində dərhal istintaq başladıldığını və məhkəmə prosesinin davam etdirildiyini açıqlayıb. Rektor Kutluhan mühafizəçilərin vəzifədən uzaqlaşdırıldığını və universitet olaraq veteranın yanında olduqlarını vurğulayıb.

Telegramda izləyin