30 il əvvəl yoxa çıxdı: İllər sonra eyni paltarla QAYITDI - FOTOLAR

Rumıniyada Vasile Qorqos adlı şəxs düz 30 il əvvəl heyvanlarını satmaq üçün evindən ayrılıb.

Sonxeber.az xarici mənbəyə istinadən xəbər verir ki, sözügedən şəxsi o gündən sonra görən olmayıb. İllərdir haqqında xəbər çıxmayan adam təxminən 30 ildən sonra heç nə xatırlamadan qəfil peyda olub.

2021-ci ilin sentyabrında Vasile qəflətən fermasının qapısında olub. O, gələndən sonra kənddən sürətlə uzaqlaşan avtomobil görünsə də, onun nömrəsini almaq mümkün olmayıb.

Şəxsin itkin düşməsi hələ sirr olaraq. Bununla yanaşı, hazırda 95 yaşı olan fermer heç bir şey xatırlamır və bu vəziiyyət bir qədər çətinləşdirir. Vasile yoxa çıxdığı müddətdə evdə olduğunu iddia edir.

Oğlunu və qızını tanımayan Vasile Qorqos ona verilən suallara əlaqəsi olmayan cavablar verir. Məsələ ilə əlaqədar oğlu açıqlama verib:

"Biz bunu başa düşmürük. Nə dediyini bilmir. Bizə inək yetişdirib satdığı vaxtlardan danışır. Biz ondan bir şey soruşuruq, o bizə başqa bir şey deyir. Kim bilir harda idi, kim saxlayıb. Kim bilir necə bir həyat tərzi keçirib?"

Vasile isə yoxa çıxanda eyni paltarı geyinmişdi.

Telegramda izləyin