Azyaşlılar üzərində məcburi əmək tətbiq edən qrup həbs edildi

Muğlanın Marmaris rayonunda azyaşlı uşaqlar üzərində məcburi əmək tətbiq edən qrupdan 5 nəfər məhkəmə orqanları tərəfindən tutularaq həbsxanaya göndərilib.

Belə ki, bu şəxslər azyaşlıları küçələrdə tac və suvenir sataraq pul qazanmağa məcbur edib.

Sonxeber.az türk mediasına istinadən xəbər verir ki, Marmaris İlçe Təhlükəsizlik Müdirliyi Uşaq Büro Komandirliyi tərəfindən aparılan uzun müddətli axtarışlar nəticəsində azyaşlı uşaqların və onları işə məcbur edən şübhəli şəxslərin olduğu ünvanlar müəyyən edilib. Baş Prokurorluq tərəfindən axtarış icazəsi verildikdən sonra qeyd olunan ünvanlarda eyni vaxtda axtarış aparılıb. Aparılan axtarışlarda küçələrdə tac, suvenir satmağa məcbur edilən 13 azyaşlı qurban nəzarətə alınıb, 6 şübhəli şəxs saxlanılıb.

Azyaşlı qurbanlar vəkil və pedaqoqun iştirakı ilə ifadələri alındıqdan sonra Muğla Ailə və Sosial Xidmətlər İl Müdirliyinə göndərilib.

Marmaris Respublika Prokurorluğu tərəfindən aparılan istintaq çərçivəsində məhkəmə orqanlarına sövq edilən 5 şübhəli məhkəmə tərəfindən "İnsan Alveri" cinayəti ilə həbs edilib.

Bir nəfər isə məhkəmə nəzarəti altında sərbəst buraxılıb.

Telegramda izləyin

instagramda izləyin