Keçmiş ədavət cinayətlə nəticələndi

İzmirin Buca şəhərində düşmənini tapança ilə ağır yaraladıqdan sonra qaçan Ş.K və M.K saxlanılıb.

Sonxeber.az türk mediasına istinadən xəbər verir ki, İzmir Buca Asayiş Şöbə Müdirliyi Cinayət Büro Komandirliyi yol kənarındakı kolluqlar arasında 40 yaşlarda bir adamın qanlar içində tapıldığı barədə xəbər alıb. Hadisə yerinə polislər cəlb edilib. Huşunu itirən Y.S hadisə yerinə çağırılan təcili tibbi yardım maşını ilə xəstəxanaya çatdırılıb və ona tibbi yardım göstərilib.

Hadisədən sonra Asayiş Şöbə Müdirliyi Cinayət Bürosu, Təhlil Büro və Kəşfiyyat Şöbə Müdirliyinə bağlı qruplar şübhəlilərin şəxsiyyətlərini müəyyən etmək üçün çalışaraq hadisəni törədənlərin Ş.K (41) və M.K (45) olduğunu təyin edib. Hadisə yerini çəkən yol kameralarını izləyən polisi iki şübhəlinin atəş etdikdən sonra motosikletə minib qaçmaq istədiklərini, lakin daha sonra motosikleti ataraq piyada qaçdıqlarını müəyyən edib. Evlərində həyata keçirilən əməliyyat zamanı saxlanılan Ş.K və M.K. yaralamanın aralarında olan keçmiş ədavətdən qaynaqlandığını bildiriblər.

İzmir Asayiş Şöbə Müdirliyi Cinayət Büro Komandirliyindəki əməliyyatların ardından ədliyyəyə sövq edilən Ş.K. tutularaq həbsxanaya göndərilib. M.K məhkəmə nəzarəti altında azadlığa buraxılıb. Hadisə ilə əlaqədar 2 nəfərin də axtarıldığı öyrənilib.

Telegramda izləyin