Paytaxtda çoxmərtəbəli binanın lift problemi nə zaman həll olunacaq?

Bakının Nizami rayonu, Qara Qarayev küçəsində yerləşən doqquzmərtəbəli binanın liftlərindən biri 1 aydan çoxdur ki, işləmir.

Xezerxeber.az-ın məlumatına görə, bir aydan çoxdan davam edən bu problem bina sakinlərinin işini çətinə salıb, onlar yayın istisində mənzillərinə pilləkənlə qalxırlar.

Bina sakinləri tez bir zamanda liftin düzəldilməsini istəyirlər.

Bakı Şəhər İcra Hakimiyyəti "Lifttəmir" İstehsalat Birliyindən bildirilib ki, sözügedən liftin nasaz hissəsi artıq bir müddətdir, sifariş olunub:

"Ehtiyat hissəsinin ölkəyə gəlməsi müəyyən vaxt tələb edir. Lakin yaxın zamanda liftin işlək vəziyyətə gətirilməsi nəzərdə tutulub".

Ətraflı süjetdə:

Telegramda izləyin