Türkiyədə daha bir avtobus qəzası: 20-dən çox yaralı

Türkiyədə Bodrumdan Vana səfər edən avtobus qəzaya uğrayıb. Nəticədə 20-dən çox insan yaralanıb.

Oxu.Az-ın "TRT Haber"ə istinadla verdiyi məlumata görə, qəza Malatya vilayətinin Akçadağ rayonunda qeydə alınıb.

Bildirilir ki, avtobus yoldan çıxaraq aşıb.

Qəzada avtobusda olan 36 sərnişindən 21 sərnişin və sürücünün köməkçilərindən biri yaralanıb. Onlar təcili yardım maşınları ilə yaxınlıqdakı xəstəxanalara daşınıblar. Yaralılardan ikisinin vəziyyəti ağır qiymətləndirilir.

Xatırladaq ki, bir neçə gün öncə Ankarada dəhşətli qəza baş verib. Hadisə nəticəsində azı 11 nəfər həlak olub.

Telegramda izləyin