Ürəkağrıdan GÖRÜNTÜLƏR: Ata 4 gün əvvəl doğulan əkizləri əvəzinə, onların sənədlərini QUCAQLAYIR - FOTO+VİDEO

Qəzzada yeni doğulan əkizlərinin doğum haqqında şəhadətnaməsini almaq üçün çölə çıxan ata geri qayıdan zaman fəlakətlə üzləşib.

Sonxeber.az xarici mənbəyə istinadən xəbər verir ki, İsrailin hücumu nəticəsində 4 gün əvvəl dünyaya gələn əkiz körpələr və onların anaları həyatını itirib. Atanın ağladığı və sinir krizi keçirdiyi anlar isə sosial şəbəkənin gündəminə çevrilib.

Müharibənin yerlə-yeksan etdiyi Qəzzanın şimalına köçən ata hazırda 4 gün əvvəl doğulan körpələri əvəzinə, onların doğum şəhadətnamələrini qucaqlayır. İsrailin hücumu ilə əlaqədar bir çox ölkələrdə paylaşımlar edilib.

Şotlandiyanın keçmiş birinci naziri Həmzə Yusuf isə açıqlamasında bu məqamlara yer verib:

"Uşaqlarımız göz qabağında belə bir qırğına necə icazə verdiyimizi soruşacaqlar. Onlara necə cavab verəcəyik? 4 gün əvvəl u dünyaya göz açan əkiz körpələrin nə günahı var idi? Onlar da Həmasdan idilər? Belə hadisə qarşısında bəziləri hələ də susmağa üstünlük verirlər".

Sözügedən kadrları təqdim edirik:

Telegramda izləyin