Qadınlardan sonra sıra KİŞİLƏRDƏDİR: İranda şortik geyinən şəxsə polis ZORAKILIĞI - FOTO+VİDEO

İranın paytaxtı Tehranda lentə alınan görüntülər ictimaiyyət arasında qalmaqala səbəb olub.

Sonxeber.az xarici mənbəyə istinadən xəbər verir ki, İranda əxlaq polisi dizdən aşağı şortik geyinən kişini saxlayıb. Temperaturun 45 dərəcəyə çatdığı ölkədə İran parlamenti kişilərin necə geyinməli olduğunu tənzimləyən yeni qanun layihəsini müzakirə edir.

Yeni qanun layihəsi kişilər üçün "uyğun olmayan geyim"i müəyyən edir. Buraya "ictimai hicabı pozan geyimlər, məsələn, bədəni sinədən aşağı və ya topuqdan yuxarı örtməyən geyimlər" daxildir. Həmçinin bildirilir ki, "çılpaq, yarıçılpaq və ya ictimai yerlərdə uyğunsuz sayılan paltar geydiyi" aşkar edilən hər kəs həbs olunacaq.

Qanunu pozanlara altı aydan iki ilə qədər İranı tərk etmək və sosial şəbəkələrdən istifadə etmək qadağan ediləcək. Britaniyanın "The Telegraph" qəzetinə danışan Tehrandan olan 35 yaşlı proqram mühəndisi Meysəm isti gündə şortik geyinərkən əxlaq polisi tərəfindən vəhşicəsinə götürüldüyünü deyib.

"Mənim boynumdam tutaraq zorla maşına mindirdilər. Məni sosial təminat polisinə aparacaqlarını dedilər. Mikroavtobusun içində bir kişi və üç qız da var idi. Hamısı ağlayırdı və geymlərinə görə saxlanılmışdılar".

Polis bölməsinə aparılaraq bir daha şortik geyinməyəcəyinə söz verən şəxs barəsində daha heç bir tədbir görülməyib. Bununla belə, qadınlara haqqında iddia qaldırılacağı və onların prokurorluğa göndəriləcəyi bildirilib.

Telegramda izləyin