Qəza yoxsa cinayət ?

Ədirnədə 17 yaşlı K.C.A-nın məktəb həyətində dostlarına göstərdiyi silahdan atəş açılıb. Güllə ilə vurulan 15 yaşlı Duru Pakarda həyatını itirib.

Sonxeber.az türk mediasına istinadən xəbər verir ki, hadisə gecə saat 02.00 radələrində Fatih mahalı Qaziosmanpaşa Orta məktəbi bağçasında baş verib

5 dostdan ibarət qrup məktəbin bağçasında oturarkən K.C.A. (17) özü ilə gətirdiyi silahı dostlarına göstərərək oynamağa başlayıb. Bu vaxt tapançadan açılan güllə Duru Pakardanın sinəsinə dəyib.

Duru qanlar içində yerə yıxılıb. Hadisə yerinə dərhal polis və təcili tibbi yardım sövq edilib. Təcili yardımla Trakya Universiteti Tibb Fakültəsi Xəstəxanasına aparılan Duru Pakardanı həkimlərin bütün müdaxiləsinə baxmayaraq xilas etmək mümkün olmayıb.

Hadisə yerində araşdırma aparan polis orta məktəb şagirdi K.C.A-nı saxlayıb. Məktəb bağçasında olanların ifadələri alınıb.

Faktla bağlı araşdırmalar davam edir.

Telegramda izləyin