Oğru hesab edib döyərək öldürdülər

İstanbulda yaşadığı binanın qarşısında dayanan Tolqa Karanı binada yaşayan iki nəfər oğru ilə səhv salıb. Bir neçə dəqiqə sonra tərəflər arasında əlbəyaxa dava düşüb. Tolqa Kara döyülərək öldürülüb.

Sonxeber.az türk mediasına istinadən xəbər verir ki,gecə saat 23.19 radələrində şəxsi mənzilinin qarşısında dayanan Tolqa Kara eyni kompleksdə yaşayan Anıl Çakır və Emre Erçelik tərəfindən oğru ilə səhv salınıb. İki dost 11 dəqiqə sonra yenidən Karanı evin qarşısında görəndə aralarındakı mübahisə davaya çevrilib.

Hadisə şahidlərinin sözlərinə görə, Emre Erçelik belindəki silahı Tolqa Karaya doğruldub. Anıl Çakır Erçelikə "Onu vur, onu vur" deyə qışqırıb.

Təhlükəsizlik kameralarına düşən görüntülərdən aydın olub ki, Emre Erçelik və Anıl Çakır Tolqa Karanı 8 dəqiqə ərzində döyərək öldürüb. Xüsusilə baş nahiyəsinə yumruq, təpik və diz ilə zərbələr endiriblər. Hadisə yerinə Çağlayan Polis İdarəsinin əməkdaşları sövq edilib və araşdırma başladılıb.

İstanbul 17-ci Cəza Məhkəməsində şübhəlilər Emre Erçelik və Anıl Çakırın qəsdən xəsarət yetirməyə cəhd etdiklərinə görə cəza tələb edən prokuror şikayətdə ifadə edilən silahlı təhdid cinayətindən bəraət istəyib.

Onun fikrincə, şübhəli Emre Erçelik haqqında əlində silah olduğu üçün silahla təhdid etmə cinayəti ilə bağlı iddia açılsa da, silahla müttəhimə zərər verməyib.

İstintaq hələ də davam edir.

Telegramda izləyin