Əri tərəfindən küçədə öldürülən 23 yaşlı qadının cinayəti ilə bağlı yeni faktlar orataya çıxdı

Küçükçekmecede boşanma ərəfəsində olduğu əri tərəfindən küçənin ortasında kürəyindən bıçaqlanan 23 yaşlı Öznur Akkayanın ölümü ilə bağlı aparılan istintaqda yeni təfərrüatlar ortaya çıxıb.

Sonxeber.az türk mediasına istinadən xəbər verir ki, avqustun 14-də Küçükçekmecedə baş verən hadisədə 23 yaşlı Öznur Akkaya boşanmaq ərəfəsində olduğu həyat yoldaşı Gökhan Akkaya tərəfindən kürəyindən bıçaqlanaraq öldürülüb. Həyat yoldaşını bıçaqlayaraq hadisə yerindən qaçmağa çalışan Gökhan Akkaya ətrafdakı vətəndaşlar tərəfindən tutularaq polisə təhvil verilib. İfadəsi alınan cinayətkar həbs edilərək həbsxanaya göndərilib.

Qan içində yerdə uzanmış görüntüləri ilə gündəmə gələn Öznur Akkayanın qətli ilə bağlı yeni təfərrüatlar ortaya çıxıb. Məlum olub ki, Öznur Akkayanın öldürülməsindən 8 gün əvvəl prokurorluğa gedib və həyat yoldaşı Gökhan Akkayaya qarşı "qəsdən yaralama" cinayətindən şikayət edib.

Gökhan Akkayanın prokurorluqdakı ifadəsindəki detallar da diqqət çəkib. Arvadının mesajlarını yuxarı mərtəbədəki qonşusu ilə mesajlaşdığını bildirən Akkaya, "Həyat yoldaşımın yuxarı mərtəbədəki qonşumuz 24 yaşlı Əbdülətif Əli adlı şəxslə mesajlaşdığını görəndə aramızda mübahisə düşdü. Onun telefonunu sındırdım. Əbdüllətifə xəbərdarlıq etdim ki, arvadımı narahat etməsin. Avqustun 3-də həyat yoldaşımın evdən qaçdığını biləndə polisə müraciət etdim. Sonradan öyrəndim ki, həyat yoldaşım yuxarı mərtəbədəki qonşumuz Əbdülətif Əli adlı şəxslə qaçıb. Qonşumun Mehmet Akif rayonunda qohumları olduğunu öyrəndim və onların orda ola biləcəklərini düşünərək həyat yoldaşımı orda axtarmağa başladım. Onları mikroavtobusda gördüm və nəqliyyat vasitəsindən düşürdüm. Əbdülətif hadisə yerindən uzaqlaşdı. Barışmaq üçün həyat yoldaşımla danışmağa başladım. Amma o qəbul etməyəndə əsəbiləşib onu bıçaqladım" deyə bildirib.

Hadisədə adı hallanan Əbdülətif Əlinin də ifadəsi şahid qismində götürülüb. Öznur Akkayanı 4 aydır tanıdığını deyən Əli "O mənim sevgilim idi. Öznur avqustun 3-də evdən qaçaraq yanıma gəldi. Hadisə baş verən gün saat 20:45 radələrində işdən çıxıb İkitelliyə yemək yeməyə getdik. Sonra Gökhan bizi mikroavtobusda gördü. Bizi mikroavtobusdan düşürdü. Məni oradan uzaqlaşdırdı. Ona görə də polis bölməsinə ərizə yazmaq üçün getdim" deyə bildirib.

Həm Gökhan Akkaya, həm də Abdulatif Əlinin iddialarını araşdıran prokurorluq hər iki ifadəni təkzib edəcək məlumatlar əldə edib. Öznur Akkayanın 15 iyunda intihara cəhd etdiyini müəyyən edən prokurorluq intihardan əvvəlki dövrü araşdırmağa başlayıb. Araşdırmalar nəticəsində məlum olub ki, Öznur Akkaya iyulun 1-də Əbdülətif Əliyə qarşı cinsi təcavüzə məruz qaldığını bildirərək şikayət edib.

Əbdülətif Əlinin əvvəllər "seksual qısnama", "təhdid" və oğurluq maddələri ilə cinayət məsuliyyətinə cəlb olunduğu məlum olub.

Hər iki şəxslə bağlı istintaq başladılıb. Araşdırmalar davam edir.

Telegramda izləyin