İki ailə arasında yaranan mübahisə qanla yekunlaşdı

Sakaryanın Adapazarı qəsəbəsində düşmən olan iki ailə arasında mübahisə yaranıb. Mübahisə tez bir zamanda silahlı qarşıdurmaya çevrilib. Hadisə zamanı 2-si qadın, 2-si uşaq olmaqla 7 nəfər yaralanıb.

Sonxeber.az türk mediasına istinadən xəbər verir ki, Sakaryanın Adapazarı qəsəbəsində Çamyolu Məhəlləsində ədavəti olan iki ailə arasında mübahisə düşüb

Silahlı qarşıdurmaya çevrilən mübahisə nəticəsində B.A. (23), S.A. (24), A.P. (50), M.P. (25), G.P. (70), E.P. (14) və B.P. (17) yaralanıb.

Məlumat üzərinə bölgəyə təcili tibbi yardım və polis əməkdaşları sövq edilib.

Təcili tibbi yardım əməkdaşlarının ilk müdaxiləsindən sonra 2 -si qadın və 2 -si uşaq olmaqla 7 yaralı xəstəxanaya çatdırılıb. Yaralılardan B.A. , A.P. və S.A.-nin səhhətinin ağır olduğu məlum olub.

Polis hadisədə istifadə edilən ov tüfəngini ələ keçirərək, şübhəlilərin müəyyən edilməsi üçün araşdırma başladıb.

Telegramda izləyin