Çay içərkən güllələndi

Kocaelinin Darıca mahalına avtomobillə gələn şübhəlilər 4 iş yerinə 22 dəfə atəş açıb. Mağazalardan birində iş yoldaşları ilə çay içərkən güllə ilə vurulan təkrar emal anbarının işçisi 18 yaşlı Ahmet Şeytan həyatını itirib.

Sonxeber.az türk mediasına istinadən xəbər verir ki, Kocaelinin Darıca rayonunda avtomobillə gələn şübhəlilər yan-yana yerləşən 3 təkrar emal anbarı və avtomobil kuzovu mağazasına silahla atəş açaraq qaçıblar. Avtomobil kuzov sexində təmirə buraxılmış avtomobillərin və təkrar emal anbarlarının şüşələri sındırılıb.

Təkrar emal anbarında işləyən Ahmet Şeytan da güllə ilə vurularaq yaralanıb. İş yoldaşları ilə oturub çay içərkən güllə yarası alan Ahmet ünvana çağırılan təcili tibbi yardım maşını ilə Darıca Farabi Təhsil və Araşdırma Xəstəxanasına aparılıb. Gənc işçini xəstəxanada edilən bütün müdaxilələrə baxmayaraq xilas etmək mümkün olmayıb.

Polis tərəfindən aparılan araşdırma zamanı hadisə yerindən 22 güllə gilizi aşkar edilib. Hadisədən sonra qaçan şübhəlilərin müəyyən edilərək tutulması üçün araşdırmalara başlanılıb.

Telegramda izləyin