Dostunu öldürüb qaçdı

Ədirnənin Keşan rayonunda Mehmet A. kirayə götürdüyü avtomobili ona verməyən dostu Caner Çiçəyi silahla vuraraq öldürüb.

Sonxeber.az türk mediasına istinadən xəbər verir ki, Erikli kəndinin çimərliyindəki əyləncə məkanlarında mühafizəçi işləyən Mehmet A. və Caner Çiçək işdən sonra qaldıqları hostele gəliblər.

Bundan sonra tərəflər arasında mübahisə yaranıb. Bu sırada Mehmet A. belindən çıxardığı tapança ilə Caner Çiçəyə 3 dəfə atəş açıb. Güllə başına və sinəsinə dəyən Çiçək hadisə yerində dünyasını dəyişib. Mehmet A. isə hadisə yerindən qaçıb.

Məlumat üzrə hadisə yerinə polis və təcili tibbi yardım sövq edilib. Öldüyü müəyyən edilən Caner Çiçəyin cəsədi tibbi ekspertizaya göndərilib.

Araşdırma zamanı Mehmet A.-nın dostu Caner Çiçəklə sosial media hesabında paylaşdığı fotolara "Ölüm var, uzlaşma yoxdur" və "Həyata qorxmadan baxanlar ölümdən qorxmaz" sözlərini yazdığı öyrənilib.

Mehmet A. rayon mərkəzində gizləndiyi anbarda polisin təşkil etdiyi əməliyyat nəticəsində saxlanılıb.

Mehmet A. ifadəsi alınmaq üçün İlçe Jandarma Komandanlığına aparılıb.

Faktla bağlı araşdırmalar davam edir.

Telegramda izləyin

instagramda izləyin