Qardaşını ov tüfəngi ilə öldürdü

İspartanın Yalvaç rayonunun Sücüllü kəndində Doğan Öztaş (45) qardaşı Ayhan Öztaşı ov tüfəngi ilə vuraraq öldürüb.

Sonxeber.az türk mediasına istinadən xəbər verir ki, qardaşlar arasında keçmiş ədavət zəminində başlayan mübahisə sürətlə böyüyüb və Doğan Öztaş tüfəngdən istifadə edərək Ayhan Öztaşı bədəninin müxtəlif yerlərindən yaralayıb. Ayhan Öztaş hadisə yerində dünyasını dəyişib. Oğullarını sakitləşdirməyə çalışan ata Bayram Öztaş da yüngül xəsarət alıb.

Hadisə axşam saat 20:00 -da baş verib. Məlumat üzərinə hadisə yerinə gələn polis qaçan Doğan Öztaşı saxlayıb. Ayhan Öztaşın cəsədi incələnmə üçün tibbi ekspertizaya aparılıb.

Hadisədən sonra aparılan araşdırmalarda, Doğan Öztaşın əvvəllər də ədavət zəminində adam öldürdüyü və bu cinayətə görə həbsdə olduğu, lakin pandemiya səbəbilə 2022-ci ildə azadlığa çıxdığı öyrənilib. Hadisə ilə bağlı istintaq davam edir.

Telegramda izləyin