Kişi sevgilisi və dostları tərəfindən öldürüldü

Adanada evli avtomobil ustası Ramazan Karabulut sevgilisi Selcan Ç. və dostları tərəfindən döyülərək öldürülüb.

Sonxeber.az türk mediasına istinadən xəbər verir ki, Adanada evli avtomobil ustası Ramazan Karabulut bir müddətdir münasibət yaşadığı Selcan Ç. ilə mübahisə edib. Selcan Ç. vəziyyəti dostu Talut Yavuza (53) danışıb. Yavuz telefonla Karabuluta zəng vurub və onu danışmaq üçün Rüzgarlı Təpəyə çağırıb.

Yavuz , Selcan Ç, Uğurcan Sergen Dokumacı, Kemal Elmasten, Murat Güngör və H.Y. Karabulut ilə görüşüb. İçki içərək bir müddət söhbət edən tərəflər arasında mübahisə yaranıb. Qısa müddətdə davaya çevrilən hadisədə Selcan Ç. və yanındakı 5 nəfər Karabulutu döyərək ayağından bıçaqlayıblar. Karabulut qanlar içində yıxılaraq huşunu itirib. Şübhəlilər avtomobillə qaçıblar.

Bir gün sonra səhər saatlarında ərazidə heyvanlarını otaran çobanlar Ramazan Karabulutu yerdə hərəkətsiz vəziyyətdə tapıblar. Məlumat verildikdən sonra hadisə yerinə polis və təcili tibbi yardım göndərilib.

Təcili tibbi yardım heyyətinin müayinəsi zamanı Karabulutun öldüyü müəyyən edilib. Onun cəsədi incələnmə üçün tibbi ekspertizaya göndərilib.

Hadisə ilə əlaqədar araşdırma başladan polis ərazidəki təhlükəsizlik kamerası görüntülərini izləyib və şübhəliləri müəyyən edib.

Şübhəlilər yaşadıqları ünvanlarda eyni vaxtda keçirilən basqınlarla saxlanılıb. Polisə aparılan şübhəlilər Ramazan Karabulutu döydüklərini etiraf etsələr də, ona bıçaqla xəsarət yetirmədiklərini iddia ediblər.

Polis bölməsindəki əməliyyatların ardından ədliyyəyə sövq edilən şübhəlilər arasında Selcan Ç, Talut Yavuz, Uğurcan Sergen Dokumacı, Kamal Elmasten, Murat Güngör, məhkəmə tərəfindən həbs olunub.

Telegramda izləyin

instagramda izləyin