Kişi oteldə öldürüldü

Engin Taş adlı şəxs Fatihdə bir oteldə öldürülüb.

Sonxeber.az türk mediasına istinadən xəbər verir ki, hadisə Fatih Aksarayda baş verib.

Engin Taş gecə klubunda S.K. adlı qadınla əylənərkən, Ferdi Karayakaş adlı şəxslə ilə mübahisə etməyə başlayıb. Ətrafdakıların müdaxiləsi ilə mübahisə bitib. Taş və S.K. əyləndikdən sonra Aksaraydakı otelə yollanıb.

Onlar oteldə qeydiyyatdan keçərkən şübhəli Karayakaş dostu ilə eyni otelə gəlib. Burada Taş və Karayakaş yenidən mübahisə edib. Bu vaxt Karayakaş belindən çıxardığı silahla Engin Taşa bir neçə dəfə atəş açıb.

Taş qanlar içində yerə yıxılıb. Şübhəli hadisə yerindən qaçıb. Məlumat üzərinə hadisə yerinə gələn təcili tibbi yardım əməkdaşları yaralı Taşı xəstəxanaya aparıb.

Xəstəxanada edilən bütün müdaxilələrə baxmayaraq onu xilas etmək mümkün olmayıb. Polis Ferdi Karayakası hadisənin ardından qısa müddətdə tutub. Polis bölməsindəki ifadəsindən sonra ədliyyəyə sövq edilən Karayakaş həbs olunaraq həbsxanaya göndərilib.

Telegramda izləyin

instagramda izləyin