Arvadına sataşan şəxslər tərəfindən bıçaqlandı

Pendikdə ər həyat yoldaşına dostluq təklif edən şəxslərin işlədiyi kafeyə basqın edib.

Sonxeber.az türk mediasına istinadən xəbər verir ki, hadisə dünən günorta saatlarında İstanbul Pendik, Velibaba səmtində baş verib. İddiaya görə, gənc qadın evinin qarşısındakı kafedən yemək sifariş verib.

Kafenin işçiləri sifarişləri qadına çatdırıb, daha sonra gənc qadına mesaj göndərərək ona dostluq təklif ediblər. Qadının əri bu vəziyyətdən xəbər tutandan sonra kafeyə basqın edib.

Ərlə müəssisənin işçiləri arasında dava düşüb. Kafenin işçiləri qadının ərini hamının içində döyüb. Dava zamanı kafedə işləyən şəxslərdən biri bıçaqla qadının ərinə xəsarət yetirib.

Ətrafdakı vətəndaşların məlumatı üzərinə hadisə yerinə polis və təcili tibbi yardım sövq edilib. Hadisə yerinə gələn polis müəssisə işçilərini polis idarəsinə aparıb. Təcili tibbi yardım əməkdaşları yaralını xəstəxanaya çatdırıb.

Hadisə ilə bağlı istintaq başladılıb.

Telegramda izləyin