Silahını polisə təhvil verməmək üçün intihara cəhd etdi

Ataşehirdə saxlanılan şəxs yanında olan silahı polisə verməmək üçün intihara cəhd edib.

Sonxeber.az türk mediasına istinadən xəbər verir ki, hadisə axşam saat 18:00-da Ataşehir Ferhatpaşa məhəlləsində baş verib.

İddiaya görə, polis küçədə qəribə hərəkətlər edən şəxsi saxlamaq istəyib. Bu zaman həmin şəxs silahı belindən çıxararaq əvvəlcə ağzına, sonra isə başına dirəyib.

Silahını təhvil vermək istəməyən şəxs uzun müddət müqavimət göstərib. Daha sonra havaya 2 dəfə atəş açıb.

Havaya atəş açarkən polislərin müdaxiləsi ilə zərərsizləşdirilən şəxs ifadəsi alınmaq üçün polis bölməsinə aparılıb.

Faktla bağlı araşdırmalar davam edir.

Telegramda izləyin