Keçmiş həyat yoldaşını öldürdü, oğlunu yaraladı

Kocaelidə kişi keçmiş həyat yoldaşını öldürdü, oğlunu isə yaraladı.

Sonxeber.az türk mediasına istinadən xəbər verir ki, keçmiş həyat yoldaşının evinə gedən Mustafa Yılmaz qapını açan oğlu V.Y.-ni silahla ayağından yaralayıb. Daha sonra isə eyvanda oturan keçmiş həyat yoldaşı Sözen Tutçunu vurub. Tutçu hadisə yerində ölüb. Yaralı V.Y. ilə atası Mustafa arasında dava düşüb.

Dava zamanı Mustafa Yılmaz başından və sinəsindən silahla vurularaq yaralanıb. Yaralı V.Y. və Mustafa Yılmaz hadisə yerinə gələn təcili tibbi yardım maşınları ilə xəstəxanaya çatdırılıb.

Müalicəsi hadisənin ertəsi günü başa çatan V.Y. məhkəmə tərəfindən polis nəzarəti şərti ilə azadlığa buraxılıb.

Qətl şübhəlisi Mustafa Yılmaz isə məhkəmə tərəfindən həbs edilib. Onun qətli hansı səbəbdən törətdiyi polis tərəfindən araşdırılır.

Telegramda izləyin