Bu küçədən keçənlər çuxura düşür

Bursanın şəhər mərkəzinin ən işlək küçəsindəki yolda çuxur yaranıb.

Sonxeber.az türk mediasına istinadən xəbər verir ki, Mərkəzi Osmanqazi rayonunun Hocaalizadə Məhəlləsində, yolda yaranan çuxur qəzalara səbəb olur.

Küçədən keçən vətəndaşlar dəliyi görməyib yıxılaraq xəsarət alırlar. Hər gün xeyli sayda yaşlı və qadının yerə yıxılaraq xəsarət alması ətrafdakı iş yerlərinin təhlükəsizlik kameralarına sına düşüb.

Məhəllə sakinləri bu vəziyyətin düzəldilməli olduğunu və daha acınacaqlı qəzaların baş verməsindən qorxduqlarını bildiriblər.

Məhəllədə dükan işlədən Dursun Coşqun: "Bu küçədən keçən insanlar tez-tez çuxura düşürlər. Xüsusilə yaşlılar yeri görmür və yıxılır. Səlahiyyətlilərdən bir çarə gözləyirik. Uşaqla olanlar isə yoldan aşağı düşmək məcburiyyətində qalırlar. Bu yoldan uşaq arabası ilə keçənlər üçün qəza ehtimalı çox yüksəkdir" , - deyə bildirib.

Telegramda izləyin

instagramda izləyin