Dəfn evinə gedən qadın tabutu və cənazəni oğurlayıb

Las-Veqasda dəfn evinə gedən qadın tabutu və cənazəni oğurlayıb.

Sonxeber.az xarici mediaya istinadən xəbər verir ki, 47 yaşlı Patricia Sierra adlı qadın gecə yarısı Affordable Cremation & Burial Service adlı dəfn evinə gizli şəkildə daxil olub.

Təhlükəsizlik kameraları Sierranın dəfn evinin pəncərəsini sındıraraq içəri girdiyini çəkib. Burada o tabutu və içindəki meyiti oğurlayıb qaçıb. Saat 03:30 radələrində küçədə meyit və tabut görən şəxs polisə müraciət edib.

Polis hadisə yerinə gələndə tabutu və cəsədi tapıb. Meyitin şəxsiyyəti müəyyən edilib və mərasimin bir gün əvvəl keçirildiyi məlum olub. Sierra bir neçə gün axtarışlardan sonra tutulub. O, polisə ifadəsində hadisə baş verən gecə 6 pivə içdiyini və nə etdiyini xatırlamadığını bildirib.

Sierra etiraf edib ki, o, narkotik istifadəçisidir. Sierra oğurluq və insan qalıqlarını narahat etməkdə ittiham olunacaq.

Telegramda izləyin