Kafeyə silahlı basqın etdilər

Elazığda iki qrup arasında baş verən silahlı münaqişə qanla bitib.

Sonxeber.az türk mediasına istinadən xəbər verir ki, hadisə Adnan Kahveci bulvarında yerləşən kafenin qarşısında baş verib. Avtomobildə olan bir qrup şübhəli kafeyə atəş açıb.

Bu zaman kafedəkilər də onlara cavab atəşi açıb. Avtomobillə gələn şübhəlilər münaqişədən sonra sürətlə hadisə yerindən qaçıblar. Onlar arasında uzun müddətdir ki, düşmənçilik olduğu iddia edilib.

Ətrafdakıların məlumatı üzərinə hadisə yerinə polis və təcili tibbi yardım sövq edilib. Polis şübhəli avtomobili dayandıra bilib. Avtomobilə baxış zamanı arxa oturacaqda olan 30 yaşlı B.T.-nin öldüyü müəyyən edilib.

B.T.-nin meyiti araşdırılma üçün tibbi ekspertizaya aparılıb. Digər 4 şübhəli saxlanılıb.
İstintaq davam edir.

Telegramda izləyin