Maşın ustası iş yerində GÜLLƏLƏNDİ

İstanbulun Sarıyer rayonunda maşın ustası İlhan Gürleyen işləyərkən ona yaxınlaşan şübhəli şəxs tərəfindən öldürülüb.

Sonxeber.az türk mediasına istinadən xəbər verir ki, Sarıyer rayonu Hüzur Məhəlləsində yerləşən avto təmir sexində baş verən hadisədə maşın ustası İlhan Gürleyen (54) ona yaxınlaşan şəxs tərəfindən güllə ilə başından vurulub. Şübhəli şəxs dərhal sonra hadisə yerindən qaçıb.

Ətrafdakıların məlumatı üzrə hadisə yerinə təcili tibbi yardım və polis sövq edilib. Əraziyə gələn təcili tibbi yardım əməkdaşları tərəfindən edilən ilk müayinədə Gürleyenin həyatını itirdiyi müəyyən edilib. Polis tərəfindən aparılan araşdırmalar zamanı şübhəlinin kimliyi müəyyən edilib və onun tutulması üçün əməliyyatlara başlanılıb.

Gürleyenin meyiti tibbi ekspertizaya göndərilib.

Hadisə ilə bağlı istintaq davam edir.

Telegramda izləyin