Əvvəlcə boşanmaq istəyən arvadını güllələdi, sonra intihar etdi

Mersinin Tarsus mahalında Çetin G. (36) işdən çıxıb avtobusa minən Feriye Gözüala (25) və H.G. adlı qadınlarla mübahisə etməyə başlayıb.

Mübahisə getdikcə davaya çevrilib. Bu zaman Çətin G. yanında gəzdirdiyi silahla hər iki qadını güllələyib.

Sonxeber.az türk mediasına istinadən xəbər verir ki, Feriye Gözüala hadisə yerində həyatını itirib, H.G isə ağır yaralanıb. O, təcili tibbi yardım maşını ilə xəstəxanaya aparılıb.

Hadisə yerindən uzaqlaşan Çetin G. 100 metr aralıda eyni silahla başına atəş açaraq intihar edib. Həyatını itirən Feriye Gözüalanın meyiti araşdırılma üçün tibbi ekspertizaya aparılıb.

H.G.-nin müalicəsinin reanimasiyada davam etdiyi bildirilib.

Araşdırma zamanı məlum olub ki, Çetin G. 3 il H.G. ilə evli olub. H.G. bir müddət əvvəl ondan ayrılmaq istədiyini deyib. Hadisə baş verən gün Çetin G. onun iş yerinə danışmaq üçün gəlib. H.G -ni barışmağa razı sala bilməyəndə Çətin G.-nin silahını çıxararaq həm H.G -ni, həm də araya girən Gözüalanı güllələyib.

Faktla bağlı araşdırmalar davam edir.

Telegramda izləyin

instagramda izləyin