Qadın ona mesaj yazan kişini güllələdi

Aksaray-Ankara yolunun Çiftlik məhəlləsində yaşayan Betül S. ona mesaj yazaraq narahat edən Əhməd B.-nin kafedə oturduğunu öyrənib.

Sonxeber.az türk mediasına istinadən xəbər verir ki, Betül S. evdəki silahı əl çantasına qoyaraq kafeyə gedib.

Kakedə Betül S. çantasından çıxardığı silahla Əhməd B.-yə atəş açıb. Ayağından və qarnından yaralanan Əhməd B. yerə yıxılıb, Betül S. isə hadisə yerindən qaçıb.

Kafedəki digər müştərilərin məlumatı üzərinə hadisə yerinə polis və təcili tibbi yardım sövq edilib. Yaralı Əhməd B. həkimlərin müdaxiləsinin ardından təcili tibbi yardımla Aksaray Təhsil və Araşdırma Xəstəxanasına aparılıb. Onun müalicəsi davam edir.

Polis Betül S.-ni tutaraq polis idarəsinə aparıb. O ifadəsində Əhməd B.-nin ona mesajlar göndərərək davamlı narahat etdiyini və cinayəti bu səbəbdən törətdiyini bildirib. Betül S. ifadəsindən sonra ədliyyəyə sövq edilib.

Məhkəməyə çıxarılan Betül S. tutularaq həbsxanaya göndərilib.

Telegramda izləyin