Narinin əmisinin vəkili onu müdafiə etməyi dayandırdı

Türkiyəni sarsıdan Narin cinayətində əmisi Səlim Güranın vəkili Seda Toğrul Səlimi müdafiə etməyi dayandırdığını açıqlayıb.

Sonxeber.az türk mediasına istinadən xəbər verir ki, Seda Toğrul bu gün gün ərzində jurnalistlərlə etdiyi telefon danışığında Səlim Güranın məhkəməsindən geri çəkilmə qərarı verdiyini açıqlayıb.

Seda Toğrul sonuncu dəfə bu gün günorta saatlarında həbsxanada müvəkkili Səlim Güranla görüşüb.

Vəkil Seda Toğrulun açıqlamasında bu ifadələr yer alıb:

"Mən bir ana kimi gözəl qızımız Narinin kədərini dərindən hiss edirəm. Bunu bütün ictimaiyyət və mətbuat ilə paylaşıram. Səlim Güranı müdafiə etməyi bu gün etibarı ilə dayandırıram. Bu qərarı bir vəkil olaraq deyil bir ana olaraq verdim".

Telegramda izləyin

instagramda izləyin