Su istədiyi üçün gənci döyüb öldürdülər

Kahramanmaraşda bir şəxs çox su istəməsi səbəbiylə döyülərək öldürülüb.

Sonxeber.az türk mediasına istinadən xəbər verir ki, Mesut Kazancı maşını ilə Kiçik Sənaye Sahəsinin yanından keçəndə ətrafdakılara həddindən artıq susuz olduğunu bildirib və su içə biləcəyi bir yer olub-olmadığını soruşub. Metal fabrikində işləyən şəxs Kazancıya bir stəkan su verib. Kazancı su içdikdən sonra bir stəkan da su istəyib. Su verən şəxs Kazancının istəyinə mənfi cavab verib və mübahisə başlayıb. Mübahisə qısa müddətdə 6 nəfərin Kazancını dəyənəklə döyməsinə qədər böyüyüb. Döyülən Kazancı ağır yaralanaraq xəstəxanaya aparılıb. 2 günlük həyat mübarizəsindən sonra gənc vətəndaş xəstəxanada dünyasını dəyişib.

Bu müddət ərzində Kazancıdan xəbər ala bilməyən ailəsi polisə müraciət edib. Axtarışlar nəticəsində Kazancının ailəsinə reanimasiyada şəxsiyyəti məlum olmayan bir nəfərin olması barədə acı xəbər gəlib. 2 aylıq uşağı olan Kazancı ailəsi tərəfindən dəfn edilib. Hadisədən sonra polis 6 şübhəli şəxsi saxlayaraq prokurorluğa təqdim edib.

Hadisə ilə bağlı istintaq davam edir.

Telegramda izləyin