Dönərçi başından güllələndi

Adanada dönərçi işləyən Abdullah Oğuz iki şübhəlinin silahlı hücumu nəticəsində başından güllələnib.

Sonxeber.az türk mediasına istinadən xəbər verir ki, Abdullah Oğuz Seyhan rayonu, Bahçelievler küçəsində qohumlarına məxsus avtoyuma dükanının qarşısındakı səyyar dönərxanada işləyir. O işdə olan zaman motosikletlə gələn 2 şübhəli şəxsin hücumuna məruz qalıb. Şübhəlilər Oğuzu başından güllələyib. Daha sonra hadisə yerindən qaçıblar.

Yaxınları tərəfindən avtomobillə xəstəxanaya aparılan Oğuzu müdaxilələrə baxmayaraq xilas etmək mümkün olmayıb.

Oğuzun meyiti tibbi ekspertizanın araşdırmasından sonra yaxınları tərəfindən torpağa tapşırılıb.

Cinayət Büro Komandirliyi qrupları hadisənin ardından təhlükəsizlik kamerasına düşən şübhəlilərin tutulması üçün əməliyyat başladıb.

Hadisə ilə bağlı istintaq davam edir.

Telegramda izləyin