Paslı metal çubuğun üstünə yıxılan qadın möcüzəvi şəkildə xilas oldu

Hindistanın Manipal şəhərində 65 yaşlı qadın tarlada sürüşərək yıxılaraq 60 sm uzunluğunda paslı metal çubuğa ilişib. Tomoqrafiya görüntüləri çubuğun qadının ombasına girərək qarnına doğru irəlilədiyini göstərib.

Sonxeber.az xarici mediaya istinadən xəbər verir ki, hadisə yağışlı səhər saatlarında qadın inəklərini otarmağa çıxan zaman baş verib.

"İnəyim qəfil narahat oldu və məni dartmağa başladı. Müvazinəti itirdim və çubuqlardan birinin üstünə yıxıldım. Hər şey bir anda oldu", -deyə qadın bildirib.

Möcüzəvi şəkildə paslanmış, peyinlə örtülmüş metal çubuq qadının heç bir həyati orqanına zərər verməyib. Qadın qonşusu tərəfindən xəstəxanaya aparılıb. O, Kasturba Tibb Kollecinin həkimləri tərəfindən müayinə olunub.

Təcili əməliyyatda həkimlər metalı diqqətlə çıxarıblar. Əməliyyat iki saat çəkib. Əməliyyatdan sonra qadına antibiotiklər verilib. Ona tetanoz vurulub və 10 gün sonra evə buraxılıb.

Həkimlər bu hadisənin nadir olduğunu bildiriblər: "Cisim düz bağırsağa nüfuz etdiyindən və birbaşa retroperitoneuma daxil olduğundan heç bir əsas daxili orqan və ya damar strukturları zədələnməyib. Bu çox nadir haldır".

Telegramda izləyin

instagramda izləyin