Əsəb xəstəliklərindən ölənlərin sayı niyə artıb ? - AÇIQLAMA

Azərbaycanda əsəb sistemi xəstəliklərindən ölənlərin sayı kəskin artıb. Belə ki, Dövlət Statistika Komitəsinin məlumatına görə, 2019-cu ildə əsəb sisteminin xəstəliklərindən 848 nəfər vəfat etmişdisə, 2023-cü ildə bu göstərici 2146 nəfər olub. Bəs görəsən insanlarda əsəb xəstəliklərinin yaranmasında əsas səbəbi nədir ?

Mövzu ilə bağlı Sonxeber.az- a açıqlama verən psixoterapevt Aytən Ələkbərova bildirib ki, buna əsas səbəb yuxusuzluq və rejimsiz həyatdır:

"Bu gün bu məsələ bir terapevt olaraq məni də çox narahat edir. Çünki insanların əsəb xəstəliklərindən əziyyət çəkmələri onların özlərinə və ətraflarına psixi zorakılıq etmələrinə gətirirb çıxarır. Psixi pozuntunun sonu isə fiziki zorakılıqla nəticələnir. Əsəb xəstəliklərinin yaranmasının başlıca səbəbi yuxusuz gecələr və rejimsiz həyatdır.

Ciddi əsəb problemi olan bir insanın sinirlərini oyatmaq üçün qarşısındakının ən kiçik üz mimikası belə kifayətdir. Bu əsəblə həmin şəxs qarşısındakını öldürmək həddinə qədər gəlib çata bilər. Belə insanlar olduqları yerdə hər kəsi narahat edir, neqativ enerji ötürürlər. Onlar özlərindəki şəxsiyyət pozuntusunu hiss etmirlər. İnsan yuxusuz qaldığı zaman xaotik addımlar atmağa başlayır. Çünki sağlam düşünə bilmir. Bu da getdikcə xəstəliklə və hətta ölümlə nəticələnir. Çox yaxşı olar ki, insanlar yuxu və qidalanma rejimlərinə diqqət etsinlər. Özlərinə hiss etdikləri ən kiçik narahatlıqda isə həkimə getsinlər".

Çiçək Sadatova

Telegramda izləyin