Təqaüdçü professorun cəsədi zibillikdən tapıldı, oğlu saxlanıldı

Mersinin Bozyazı rayonundakı Səlcuq Universitetinin təqaüdçü professoru Prof. Dr. Səlahəddin Doludeniz plastik bidonda əlləri və ayaqları bağlı halda ölü tapılıb.

Sonxeber.az türk mediasına istinadən xəbər verir ki, məlumat üzərinə hadisə yerinə təcili tibbi yardım və polis sövq edilib. Təcili tibbi yardım əməkdaşlarının ilkin müayinəsindən sonra meyitin çürüməyə başladığı müəyyən edilib. Meyit tibbi ekspertizaya yönləndirilib. Hadisə ilə bağlı genişmiqyaslı araşdırmalara başlanılıb.

Araşdırma zamanı polislər mərhumun oğlunu tapıb və dindirilmə üçün polis bölməsinə dəvət olunub. O, polisdəki ziddiyyətli ifadələrinə görə saxlanılıb. Polisə verdiyi ilk ifadəsində şübhəlinin bir müddət əvvəl atası ilə mübahisə edib evdən ayrıldığını deyib. O, geri qayıdanda isə atasını evdə ölü tapdığını və plastik bidona qoyub Bozyazıdakı zibil sahəsinə atdığını etiraf edib.

Meyitin ilkin müayinəsində deşici və kəsici alət izlərinə rast gəlinməsə də, ölümün səbəbinin məhkəmə-tibbi ekspertizasından sonra məlum olacağı bildirilib.

Hadisə ilə bağlı istintaq davam edir.

Telegramda izləyin

instagramda izləyin