Məktəbə silahlı basqın - AĞIR YARALILAR VAR

Bu gün səhər saatlarında Rusiyanın Çelyabinsk şəhərində dəhşətli hadisə baş verib. 13 yaşlı şagird çəkic, bıçaq və pnevmatik silahla sinif yoldaşlarına hücum edib.

Sonxeber.az xarici mediaya istinadən xəbər verir ki, Roman G. adlı şübhəli oxuduğu məktəbə girərək şagirdlərə hücum etməyə başlayıb. Boğazı kəsilən və başından çəkic zərbəsi alan qız ağır xəsarətlərlə xəstəxanaya yerləşdirilib. O həyati təhlükəsi olduğu üçün əməliyyat olunub. Daha bir məktəbli qız isə ağır yaralandığı üçün təcili əməliyyata aparılıb. Bir neçə tələbə isə yüngül yaralanıb.

Hücumdan bir neçə saat əvvəl sosial şəbəkədə paylaşım edən şübhəli "Putin xalqı kölə etdi" deyərək prezidenti "nasizm"də ittiham edib.

"Baza" Xəbər Agentliyi şübhəlinin "ilk dərsin ortasında məktəbə qara paltarda gəldiyini, lakin birbaşa sinif otağına deyil, tualetə getdiyini" bildirib:

"Bir neçə dəqiqədən sonra o, qışqıra-qışqıra Biologiya dərsi keçirilən sinif otağına qaçıb və çəkici yelləməyə başlayıb. O, əvvəlcə qızlardan birini, sonra müəllimi vurub. Sonra başqa bir qızı və bir oğlan şagirdi vurub, qaçaraq çölə çıxıb".

Roman G. Milli Qvardiya tərəfindən saxlanılıb və psixiatra aparılıb.

Hadisə ilə bağlı istintaq başladılıb.

Telegramda izləyin

instagramda izləyin