Tətili ölümü ilə nəticələndi

Kapadokya səyahəti üçün Ürgüp mahalına gələn tayvanlı turist H.S.C. (61) qaldığı hotel otağında ölü tapılıb.

Sonxeber.az türk mediasına istinadən xəbər verir ki, Kapadokya səyahəti üçün Ürgüp rayonunda hotelə yerləşən Tayvanlı turist H.S.C. (61) dünən axşam saatlarında xəstələnərək Ürgüp Dövlət Xəstəxanasına gedib. Müalicəsi bitdikdən sonra hotelə qayıdan və otağında dincələn tayvanlı turist bu gün səhər hava balonu turuna qatılıb.

Balon turundan sonra yenidən xəstələnərək hotelinə qayıdan H.S.C. otağında dincəlmək qərarına gəlib. Axşam saatlarında turdan gələn başqa bir tayvanlı turist dostunun qaldığı otağa girib və H.S.C-ni hərəkətsiz vəziyyətdə tapıb.

Turist vəziyyəti otel rəhbərliyinə bildirdikdən sonra səlahiyyətlilər 112-yə zəng edərək təcili tibbi yardım çağırıb. Otelə gələn təcili tibbi yardım əməkdaşları tərəfindən aparılan yoxlamadan sonra tayvanlı turistin öldüyü müəyyən edilib. Daha sonra hadisə yerinə polis çağırılıb. H.S.C -nin meyiti araşdırma üçün tibbi ekspertizaya aparılıb.

Hadisə ilə bağlı araşdırmalara başlanılıb.

Telegramda izləyin