Tanış olmaq təklifini rədd edən qadını güllələdi

Üsküdarda M.M.Ö qonşuluqdan tanıdığı N.A. adlı qadını görüş təklifini rədd etdiyi üçün güllələyib.

Sonxeber.az türk mediasına istinadən xəbər verir ki, hadisə dünən saat 23.40 radələrində Güzeltepe Məhəlləsində baş verib. Belə ki, M.M.Ö. adlı şəxs həmin məhəllədə yaşayan N.A adlı qadına görüşmək təklifi edib. Qadın onun təklifini rədd edib. Daha sonra M.M.Ö qadının iş yerinə gedib. O, N.A-nı işdən çıxarkən güllələyib. M.M.Ö daha sonra eyni silahla intihara cəhd edib.

Məlumat üzərinə hadisə yerinə təcili tibbi yardım və polis sövq edilib. N.A-ya hadisə yerində ilkin tibbi yardım göstərilib. O, təcili tibbi yardımla xəstəxanaya aparılıb. Polis tərəfindən saxlanılan M.M.Ö. polis idarəsindəki ifadəsindən sonra sövq edildiyi məhkəmə tərəfindən həbs edilərək həbsxanaya göndərilib.

Telegramda izləyin