Kişi 18 il başqasının kommunal pulunu ÖDƏYİB

ABŞ-nin Kaliforniya ştatında yaşayan Ken Uilson kommunal ödənişlərində problem olduğunu görüb. Əlavə araşdırmadan sonra şirkət kişinin başqa şəxsin kommunal xərclərini ödədiyini bildirib.

Sonxeber.az xəbər verir ki, bu barədə "13 News" saytı məlumat yayıb. Nəşr bildirir ki, Ken kommunal ödənişlərinin getdikcə artdığını görüb. Bu baxımdan kommunallara nə qədər enerji sərf etdiyini izləməyə başlayıb. O, hətta evdəki məişət texnikasının neçə vatt söndürüldüyünü göstərən cihaz da alıb.

"Mən elektrik enerjisinə qənaət etməyə və xərcləri azaltmağa çalışırdım. Çünki qiymətlər çox artırdı. Mən sayğacı yoxlamaq üçün bayıra çıxdım. Gördüklərimə isə inana bilmədim".

Vakavildə bir yaşayış kompleksində yaşayan Uilson enerji şirkətinin saytında göstərilən enerji istifadəsində bir şeyin səhv olduğunu anlayıb:

"Fikirləşdim ki, sızma var və ya kimsə mənim elektrik enerjimi oğurlayır. Digər tərəfdən sayğacda problem olduğunu hiss etdim".

Problemi aydınlaşdırmaq üçün Uilson şirkətlə əlaqə saxlayıb. Sonra məlum olub ki, şəxsin mənzili yanlış sayğaca qoşulub, ona görə də o, qonşusunun kommunal pulunu ödəyirmiş. Uilson 2006-cı ildən eyni mənzildə yaşadığı üçün 18 ilə qədər qonşusunun xərclərini ödəməli olub:

"Hazırda özümü gücsüz hiss edirəm, çünki sayğacıma nəzarət edə bilmirəm. Sadəcə ümid edirəm ki, baş verənlər başqalarına kömək edər. Ola bilsin ki, bu iş ancaq mənim başıma gəlməyib".

Telegramda izləyin