Kürəkənini güllələmək istəyirdi, qızı öldü

Aksarayda Mehmet A. (50) qızı ilə boşanma prosesində olan kürəkəni Rəcəb Ok'u (30) silahla ağır yaralayıb, qızı Fadimana Ok'u (26) isə öldürüb.

Sonxeber.az türk mediasına istinadən xəbər verir ki, hadisə saat 21.30 radələrində Fatih rayonu Şehit İsmayıl Dağ küçəsində baş verib. İki uşaq atası Rəcəb Ok boşanma prosesində olduğu, amma hələ də birlikdə yaşadığı həyat yoldaşı Fadimana Ok ilə evə gələrkən qayınatası Mehmet A. ilə qarşılaşıb. Bu zaman qayınata ilə kürəkən arasında mübahisə düşüb.

Mübahisə böyüyərək davaya çevrilib. Bu zaman Mehmet A. belində gəzdirdiyi silahla kürəkəni Rəcəb Oku vurub. Həmin vaxt Fadimana Ok da ərini qorumaq istəyib və önünə keçib. Rəcəb Ok sinə və qarın nahiyəsinə dəyən 3 güllə ilə, Fadimana Ok isə sinəsinə dəyən 1 güllə ilə yaralanıb.

Cütlük qan içində yerdə uzanarkən Mehmet A. sürətlə hadisə yerindən qaçıb. Məlumat verildikdən sonra polis və təcili tibbi yardım ünvana sövq edilib. Təcili tibbi yardım maşını ilə Aksaray Təhsil və Araşdırma Xəstəxanasına aparılan Fadimana Ok həkimlərin bütün müdaxilələrinə baxmayaraq dünyasını dəyişib.

Əməliyyat edilən Rəcəb Okun həyati təhlükəsinin olduğu bildirilib.

Hadisə ilə bağlı araşdırma başlayıb. Polis Mehmet A-nın tutulması üçün əməliyyatları davam etdirir.

Telegramda izləyin