Azərbaycana qaçmaq istəyərkən saxlanıldı

Manisanın Salihli rayonunda fermer naməlum şəxslər tərəfindən üzüm bağında güllələnərək öldürülüb.

Sonxeber.az türk mediasına istinadən xəbər verir ki, hadisə Yeşilova məhəlləsində baş verib. Əkinçiliklə məşğul olan İzzet Doğan (61) üzüm bağında naməlum şəxslər tərəfindən öldürülüb. Məlumat üzərinə hadisə yerinə gələn polislər Doğanın odlu silahla öldürüldüyünü müəyyən edib.

Hadisə yerində araşdırma aparan polislər 1 ədəd boş patron aşkar edərək, şübhəlilərin müəyyən edilməsi üçün əməliyyatlara başlayıb. Manisa İl Jandarma Komandanlığı Kəşfiyyat Şöbə Müdirliyi, Jandarma Cinayət Axtarış Dedektifləri (JASAT) və Salihli JASAT qruplarının araşdırması nəticəsində İzzet Doğan ilə yaxınları arasında düşmənçilik olduğu müəyyən edilib.

Yeşilova Məhəlləsində yaşadıqları təsbit şübhəli şəxslərin evlərində axtarış aparılıb. Axtarış zamanı 1 ədəd sənədsiz silah, 3 ədəd sənədsiz patron, 1 ədəd pnevmatik silah, 1 ədəd silah darağı, 6 ədəd sənədsiz ov tüfəngi, 1 ədəd giliz, 27 ədəd silah üçün boş patron, 10 ədəd cib bıçağı, 6 ədəd tüfəng aşkar edilərək götürülüb.

Şübhəlilərdən biri S.G. İzmirin Seferihisar rayonunda yaşadığı evdə saxlanılıb. E.G. Sabiha Gökçen hava limanında Azərbaycanın paytaxtı Bakıya getmək istəyərkən saxlanılıb. Tutulan 2 şübhəli polis idarəsinə aparılıb.

Polis idarəsində ifadələri tamamlandıqdan sonra ədliyyəyə sövq edilən S.G. və E.G məhkəmə tərəfindən tutularaq Salihli T Tipi Qapalı Həbsxanaya göndərilib.

Faktla bağlı araşdırmalar davam edir.

Telegramda izləyin

instagramda izləyin